BINALBAGAN, NEGROS OCCIDENTAL – Duha ka mga lalaki nga nagaangkasanay sa motor gin bagnos sang nagahagunos nga van.
Ang mga biktima amo sanday Julius Zamora,45, may asawa, sang Brgy. Pilar, Hinigaran, driver sang motor nga nakaagum sang pilas sa sulang kag nautod gid ang tuo nga tiil, samtang ang iya angkas amo naman si John Rey Lontiong, 29, pumuluyo sang Brgy. San Juan, Binalbagan sa diin fractured naman ang tuo nga paa tobtob sa batiis.
Basi sa panaysayon ni Bengirl Lotiong, utod ni John Rey nga ang duha ang maga padulong na kuntani sa Brgy. Pilar, Hinigaran sakay sa ila motor apang paglab-ot sa Crossing Ipil, Brgy. San Juan gin cross sila sang van nga madasig ang pagpadalagan kag nabungguan.
Si Zamora kag Lontiong yara naman sa Corazon Locsin Montelibano Memorial Regional Hospital.
