Kalibo, Aklan – More or less P 92,000.00 pesos rong nabuoe it mga manakaw matapos nga gintakawan rong AKY Gasoline Station nga nahamtang sa corner it Roxas Avenue, Extension ag Calachuchi Road, Andagao, Kalibo kabii o kaina it aga-aga.
Sa pakikipag-angot it RMN DYKR Kalibo sa cashier nga si Ms Rhealyn Zapues nga kaina hay magabukas eon kunta sanda it gasolinahan tag mapan-uhan nga basag ro saeaming ag sa pag-usisa nanda hay nakita nga pwersahan nga ginbuksan rong pwertahan it nasambit nga gasolinahan.
Nag usisa pa gid sanda sa sueod ag idto nadiskubrehan nga ro andang butangan it kwarta hay bukas eon ag uwa eon ro nabilin nga kwarta.
Mayad eang suno kana ay ro ibang kita it gasolinahan hay naha pick up eon it bangko.
Insigida man rayon nanda nga ginpatuon ro tag-ana nga si Mr. Harvey Gelito angot sa natabo.
Sa makaron hay nagapadayon pa rong imbestigasyon it Theft and Robbery Section kung Kalibo PNP ag SOCO-Aklan pinaagi sa pagkaeap it mga ebidensya ag pag review it footages halin sa andang CCTV sa posibleng pagkakilaea sa mga suspek.
