Pagadian City – Mag-atubang og problema ang mga kandidato sa Barangay ug Sangguniang Kabataan ( SK) elections nga naglaraw nga supakon ang kasamtangan nga gipatumang election laws sa Commission on Elections.
Sa interview sa RMN Pagadian kang Comelec Zamboanga del Sur Supervisor Atty. Ellis Miguel, partikyular nga iyang gitumbok ang overspending, nagpasabot nga kun ugaling mosubra ang gasto sa mga kandidato makamugna kini og problema sa ilang kandidatora.
Gisugid usab ni Atty. Miguel ang gitugot ang kamanduan sa comelec nga makahimo lamang mogasto ang mga kandidato sa kantidad nga P5 matag rehistradong botante sa lugar nga ilang gipasakupan.
Subli usab nga gipasidaan sa comelec sa mga kandidato nga dakong illegal ang pagpamalit og boto ug duna kini silot base sa balaod.
Gani gidugang pa niya nga dili lang ang namalit og boto ang silotan kundili lakip ang botante nga nidawat og salaping cash bugti sa iyang sagradong boto.
