Ang Gaston Park naa nahimutang sa Cagayan de Oro City, duol sa Saint Augustine Cathedral ug sa Archbishop’s Palace.
Kinutlo gikan sa pangalan sa piaka-unang mayor sa dakbayan nga si Segundo Gaston. Ang maong parke gitukod niadtong tuig 1624. Naa sa pinaka sentro nga bahin sa Cagayan de Oro, nga naila kaniadto nga Pueblo de Cagayan.
Kabahin na kini sa kasaysayan tungod kay gihimo kining dapit sa pag bansay sa mga lumad nga sundalong Cagayanon agig pagpangandam sa Philippine-American War niadtong 1900. Dinhi pod dapita nanimuyo ang mga Kastila niadtong 1622.
Usa sa mga iladong landmark sa siyudad, ang Gaston Park dunay Dancing ug Lighted Fountain nga hangtud karong panahona gikawilihan sa mga Cagayanons ug mga turista hilabi na sa adlawng Dominggo gikan sa pagsimba.
Dili ka magutman samtang magtambay sa park kay naay daghang baligya nga kakanin. Naa say popcorn, cotton candy, ice cream ug balloon para sa mga bata.
Ang pag selfie og pagpahulagway maoy tuyo sa ubang dumudu-aw aron dunay handuman sa pag laag sa pinasikat nga parke sa Cagayayan de Oro nga mao ang Gaston Park.
