Pansamantalang sarado muna ang emergency room ng Gat Andres Bonifacio Memorial Medical Center (GABMMC) dahil sa dami ng kaso ng COVID-19 na inaasikaso ng district hospital.
Simula pa kahapon ng alas-dose ng tanghali ay sarado na ito at magtatagal ng hanggang Huwebes, July 23, alas-12:00 pm.
Ayon kay Hospital Director Dr. Ted Martin, pansamantalang isinara ang ER para magbigay-daan sa terminal cleaning at disinfection activities.
Nabatid na ang COVID-19 ward ng nasabing hospital ay umabot na sa 100% capacity kung saan 76 COVID-related cases ang kasalukuyang naka-admit, at 52 ang COVID-19 confirmed patients.
Maging ang isolation tents sa hospital ay halos nasa full capacity na rin at may mga COVID-19 confirmed patient na hinihintay na ma-admit.
Facebook Comments
