Gatchalian gihagit ang Tau Gamma Phi nga ipagula ang ubang suspek sa Salilig hazing

Davao City- Hugot nga gikondena ni Senate Committee on Basic Education, Culture and Arts Chairman Sen. Sherwin Gatchalian ang hazing nga nikutlo sa kinabuhi ni Adamson University student John Matthew Salilig.

Gihagit ni Gachalian ang Tau Gamma Phi fraternity nga mukooperar sa imbestigasyon ug ipagawas ang uban pang mga suspek.

Segun niini ang pangalan sa Tau Gamma ang naapektuhan sa nahitabong krimen busa kinahanglang mutabang sila sa pagkab-ot sa hustisya kang Salilig.

Sumala niini walay kinahanglang i-modify sa Anti-Hazing Law tungod bug-at na kini nga balaod ug giawhag ang kapulisan ug ang korte nga ipatuman gayod kini tungod nakita niining naay nadakpan pero walay hingpit nga napriso.

Gibutyag ni Gatchalian, katungod sa usa ka indibidwal kung mamahimo siyang kabahin sa usa ka frat o grupo apan ang bawal ang mga ginahimo sa frat nga violence kun ang hazing.

Dugang niini, daghang frat na karon nga wala na gahimo’g hazing inay mga community service ug uban pa.

RadyoMaN Aimee Guinita