Davao City – Ilusad dinhi sa siyudad sa Dabaw ang Mindanao Indigenous Legislative Assembly For the Bangsamoro Basic Law nga ipahigayon sa Mergrande Ocean Resort nga nahimotang sa Bago Aplaya gikan Agosto 29 hangtud Setyembre 1 karong tuiga.
Muabot sa 500 hangtud 600 ka mga IPs Leaders sa nagkada-iya nga tribu gikan sa mga rehiyon sa Mindanao ang mupartisipar sa mao nga kalihukan.
Gilauman nga mutambong sa panagtapok sa gatusan ka mga lider sa mga lumad sila Secretary Jun Evasco, Secretary Jess Dureza, AFP of Staff General Eduardo Año, ug daghan pang uban.
Sumala ni 1st Mindanao IP’s Convention Chairman Datu Joel Unad nga upat ka topiko ang pagatukion sa sa kalihukan nga magsentro sa katungod sa mga lumad diha sa mga polisiya ug mga kausaban ilawom sa administrasyon ni Pangulong Rodrigo Duterte.
Matud ni Datu Unad nga kabahin sa mahisgutan sa katungod sa mga lumad mao ang Governance, Ancestral Domain, Justice System, ug Ecological Balance diha sa pagbalhin sa sistema sa panggobyerno ngadto na sa pederalismo.
Kasamang Joel Viray
