Sa pakighinabi sa DXDC RMN Davao kang Paul Bermejo, ang head sa ASU, iyang gibutyag nga ginadili gyud ang double side display o ang pagpamaligya atubangan sa usa ka establisyemento ug atbangan sa lain pang vendors tungod makahatag kini’g public disturbance.
Kini human sa viral video sa usa ka lalaking miyaka nalang tungod gikuha na sa demolition team ang iyang baligya. Apan giklaro sa opisyal nga ibalik ra kini kung makapirma na og affidavit of undertaking nga adunay panaad nga di na sila muusab og pwesto sa maong dapit.
Gani gihatagan sila og tyansa nga makapaninda daplin sa kalsada basta dili lang makadisturbo sa publiko. Ug kagawasan sa tanan nga mamaligya sa sidewalk matag Disyembre tungod pasko.
“Gina-allow na sa atong mayor kung December ug walay laing okasyon. Ganihang buntag naay na-timingan sa Agdao. Unfortunately, ing-ato ang nahitabo. Pero dapat man gud ato dili ing-ato, hinay-hinay lang. Pero iya man gud ginapungan, dapat ato di na siya mu-resist. Kay ginabalik mana nato ilang items after nila makapirma sa affidavit of undertaking nga di na sila muusab nga mupwesto didto,” pagpasabot pa ni Bermejo.
RadyoMaN Ivy Parido
