GCQ: Mga empleyadong buntis ug senior citizens giabisuhang mag work from home

Davao City – Dili tugotang makagawas sa panimalay sa General Enhanced Community Quarantine (GCQ) ang mga sakop sa vulnerable sectors.

Matud ni Davao City Mayor Sara Duterte-Carpio nga subay sa Executive Order #33 sa Omnibus Guidelines, ang mga employers giabisuhang ipa-work from home ang mga buntis ug mga senior citizens.

“Unsa may mahitabo sa akoa buntis man ko or 60 years old man ko pero allowed nami mu-operate? They will still work pero work from home ang ilahang arrangement,” segun ni Mayor Sara.


Dili usab pwedeng makagawas sa balay ang mga adunay co morbidities ug mga nag-edad 21 anyos paubos apan tugotan lamang nga makagawas ang mga anaa sa vulnerable sectors sa mga sirkumstansyang sama sa senior nga nag-inusara nalang ug walay masangpit sa pagpamalit sa iyahang medisina ug pagkaon o emerhensiya.

RadyoMaN Aimee Guinita

Facebook Comments