Davao City – Lisud pa nga hingpit ipailawom sa General Community Quarantine (GCQ) ang syudad sa Davao tungod sa padayong pagsaka sa ihap sa mga nataptan sa naasoyng fatal virus.
Gani, kabalaka pa gihapon ang gibati karon ni Dr.Ricardo Audan, Southern Philippines Medical Center (SPMC) Chief of Clinic sa scenario nga ubos na unya sa GCQ ang syudad tungod kay ang pagsabot sa mga tawo gikan sa lockdown ug ECQ, mobalik na unya sa normal diin gikabalak-ang modagsa ang mga tawo aron mag-selebrar.
Dugang ni Audan nga sa ingon niini nga sitwasyon, malagmit nga modaghan na usab ang mataptan sa maong balatian tungod kay dili na unya matuman ang social distancing protocol, paggamit sa face mask ug uban pang control measures.
Mamahimong mag-GCQ na ang atong dakbayan apan gikinahanglan unang ipatuman sa hingpit ang tanang mga guidelines aron mahalikay kita sa worst-case scenario nga ‘second wave’ sa maong balatian sama sa nahitabo karon sa mga kanasuran sa Europe sama sa Germany diin ang lockdown relaxation nisangko sa pag-spike sa COVID infections.
RadyoMan Bernard Pantallon
