Davao City – Sundon sa Provincial Government sa Davao Oriental ang desisyon sa National Inter-Agency Task Force (IATF) sa pagpailawom sa probinsya sa General Community Quarantine (GCQ) epektibo sugod kagahapong adlawa, September 8 hangtud September 30, 2021 luyo sa hangyo nga sila ipailawom sa Enhanced Community Quarantine (ECQ).
Sa interbyu sa DXDC RMN Davao kang Police Colonel Efren Orlina, Director sa Davao Oriental Police Provincial Office, gibutyag niini nga sa Executive Order (EO) No. 20 Series of 2021 nga gipagula sa Provincial Government, pipila sa mga guidelines mao ang pagpatuman sa 8PM – 5AM curfew, 24-hour liquor ban, pagdili sa cockfighting apil na ang E-sabong ug uban pang matang sa sugal.
“Kami, sumusunod lang kami sa mga.. whatever (quarantine) classification na ibigay, provided na dun po sa Executive Order na ginawa ng aming minamahal na governor (Nelson Dayanghirang) ay meron pa rin naman pong mga panuntunan na pwede nating i-implement,” segun ni Orlina.
Ilawom sa EO, mamahimo gihapong makapatuman ang usa ka Local Government Unit (LGU) og ECQ o hard lockdown labi na sa critical areas sa Coronavirus Disease 2019 (COVID-19) cases.
RadyoMaN Kirby Manzon
