Davao City – Klarong adunay binuang nahitabo diha sa paghatag og kagawasan sa mga piniriso nga nahukman tungod sa ngilngig nga mga krimen nga gikalambigitan gamit ang balaud nga Good Conduct Time Allowance.
Giingon ni Kanhi Ateneo Davao University Professor Randy Ponteras nga dakong binuang ang paglingkawas sa mga big time criminal luyo sa pila ka pilo nga sentensiya sa korte kanila tungod sa heinous crimes.
Suma ni Professor Ponteras nga tataw kaayo nga nakapahimulos sa GCTA law ug napaboran sa mga opisyal sa Bureau of Correction ang mga kriminal busa dili malimod ang binuang sud sa mga prisohan.
Sigun ni Professor Ponteras nga ang pag-release sa 2000 ka kriminal ug nauktaba nga paglaya unta ni Ex-Mayor Antonio Sanchez classic example sa palpak nga implementasyon sa GCTA law.
Busa angay rebyuhon ang GCTA law aron dili ma-usab ang pardon kun parole nga gihatagan sa BuCor ngadto sa heinous nga mga kriminal sama sa mga Chinese drug lords.
Gitindogan ni Ponteras nga dili takos sa kagawasan gamit ang GCTA ang heinous nga mga kriminal ug ang angay alang kanila mao nga madugta sa bilangguan sa tibuok nilang kinabuhi.
Kumbinsido kini sa rebelasyon ni Senador Ronald “Bato” Dela Rosa labot sa modus operandi kun binuang sa mga prisohan maong adunay mga adunahang piniriso ang nakagawas gamit ang GCTA law.
Ang pag-imposar sa balaod ug pagbaton og counselor kun mga psychologist ang magsuta sa mga piniriso nga tinuod nagreporma na sa ilang kinabuhi sud sa prisohan.
Ug sa mao nga paagi, hayan malimitahan kun matuldokan na ang kurapsiyon nga mibalot karon sa BuCor tungod sa kontrobersiya sa GCTA law nga hugot sab gilimod ni Nicanor Faeldon, dugang sa Professor nga Barangay Kagawad.
RadyoMaN Joel Viray
