Sicayab, Dipolog City- Gipahigayon kagahapong adlawa ang Opening Ceremony on Special Anti-Terrorism Operation Course (SATOC) didto sa Camp Hamac, brgy. Sicayab, sakop ning atong dakbayan sa Dipolog.
Nagsugod ang maong aktibidad pasado alas 8:00 sa buntag, gitambungan kini sa dagkong opisyal sa PNP dinhi sa Zamboanga del norte sa pagpanguna ni acting Provincial Director PSSupt. Raul M. Tacaca.
Anaa usab sila si Deputy Provincial Dir. For Operation PSupt. Eddie P. Recamara, Chief, Provincial Intel. Branch Psupt. Stephen B. Daang.
Mitambong usab si Vice Governor Senen O. Angeles nga mihatag ug mensahe ngadto sa sakop sa Special Anti- Terrorism Operation Course (SATOC).
Matod ni Vice Governor, “Coming together is a beginning, gathering together is progress and working together is success, naglaum usab siya nga makatabang kini dili lang sa terorismo apan lakip ang mga kriminalidad dinhi sa tibuok Zamboanga del norte*.*
Lima kini ka adlaw nga pagbansay-bansay sa Special Anti-Terrorism Operation Course (SATOC) member nga ge desenyo sa Task Force Zamboanga del norte anti-terrorism Unit (ZATU) para ma enhance ang ilang mga skills sa pag gunit sa armas lakip ang malfunction treatment basic riffle marksmanship, Basic Pistol marksmanship, diagnostic firing, ug firearms proficiency.
Ang tumong niini mao man ang paghulma sa highly skilled PNP personnel aron makatabang pagbantay sa Kidnapping ug uban pang terroristic activity dinhi sa atong probinsya sa Zamboanga del norte.
