Davao City – Gituohang usa ka babaye ug usa ka lalaki ang mga parte sa lawas nga nakaplagan sa Samal.
Sa pakighinabi sa DXDC RMN Davao kang PCI Nolan Genova sa Scene of the Crime Operatives kun SOCO XI nga subay kini sa ilang gihimong eksaminasyon kagahapong adlawa, Hulyo 28, 2018.
Dugang niya nga adunay mga timailhan nga gitagod-tagod ang mga paa ug uban pang parte sa lawas ug hacking kun tigbas ang gituohang hinungdan sa kamatayon sa mga biktima.
Gikatakdang karong adlawng Lunes magpahigayon na usab og dugang pang eksaminasyon ang SOCO XI apan gibutyag ni Genova nga pwede ng ilubong ang mga nakuhang parte sa lawas apan butngan lang og marker ugaling adunay mukuha o magpaila nga mga kabanay sa duha ka mga biktima.
RadyoMaN Renz Barbarona
Facebook Comments
