El nuevo promoted general del Mando Policia Rehiyunal Police Chief Superintendent Edwin Sadama De Ocampo ya promote cay continua ele advoca con el ofrecimiento del mga buen programa para con el mga myembros del policia aqui na rehiyon nueve.
Como el presente Deputy Regional Director for Administration (DRDA) del policia rehiyunal, si De Ocampo conosido que uno del mga official que determinao porsigui mga buen programa de administrasyon, career enhancement y promotions del mga pulis, lo mismo el se llama internal cleansing del diila organisasyon.
Como un general del policia, hinde asegun este rason para man-relax con su trabaho, sin embargo, mas omento responsibilidad asegun el estrellas que ta carga le na su ombro.
Durante el arrival of honors que ya ofrece conele enantes aga na Mando Policia Rehiyunal, si De Ocampo ya rendi gracias con el suporta que ya dale conele el Regional Director Chief Supt. Billy Beltran y todol liderato del policia del PRO9 que nungca ele olvida masquin donde man hay designa conele para su siguiente posisyon como un general del PNP. *– Bhong Simbajon/RMN News*
