Suma ni 10th Infantry Division Spokesperson Army Captain Mark Anthony Tito nga gipakanaog ni 10th ID Commander Lt.Gen.Nolasco Mempin ang relieved order batok kang Durante ug Licyayo epektibo kini niadtong Enero 19,2023 subay usab sa mandar mismo sa AFP National Headquarters kung asa temporaryo gikustodiya ang duha ka mga opisyal.
Gipasabot ni Tito, ang pagtaktak kanila sa katungdanan mao nga dili impluwensiyahan ang imbestigasyon sa Special Investigation Task Group sa Police Regional Office XI ug malikayan ang pagduda sa publiko nga ilang giprotektahan ang nasampit nga mga opisyal.
Si Durante maoy gitudlong mastermind sa pagpatay sa model ug negosyante nga si Plaza niadtong nakalabay’ng mga semana sa pakig-connivan ni Licyayo ug sa pipila ka sundalo.
Giingon ni Captain Tito nga wala nila ginakonsente ang kriminal nga binuhatan sa ilang mga opisyal ug sa mga sundalo ug kon sad-an man sila tugtan ang korte nga musilot kanila subay sa sala nga ilang nabuhat.
Hinoon, una nang gilimod ni Durante nga naa siya’y kalabotan sa pagpatay sa biktima.
Samtang pikas bahin, gidis-armahan na usab sa 10th ID ang tulo ka mga sundalo nga gilakip sa kaso.
Alayon ani, gipamahayag ni PRO XI Spokesperson Police Major Atty.Eudisan Gultiano nga ila na lamang gipaabot maresolba sa piskalya ang preliminary investigation ug masang-at sa korte ang murder, obstruction of justice, ug theft aron mapaguwaan na sila og orden de aresto aron sa ingon makuha na sa kapulisan ang kustodiya sa mga suspek.
RadyoMaN Joel Viray
