Davao City – Giangkon ni Police Regional Office (PRO) XI Regional Director PBGEN. Nicolas Torre III nga apil siya sa mga pulis nga nag-jogging gawas sa Kingdom of Jesus Christ (KOJC) Compound sa Buhangin, Davao City.
Atol sa flag raising sa PRO XI nga naka-stream live, iyang gibutyag nga parte kadto sa ilang adlaw-adlaw nga routine una magsugod ang ilang checkpoint sa area diin matud pa mao ang exit point sa mga kriminal.
Gani iyang gisaway sila kanhi NTF-ELCAC spokesperson Lorraine Badoy, SMNI Host nga si Jeffrey Celiz ug legal counsel Atty. Israelito Torreon nga nagpakaulaw kaniya nga daw siya sinugo. Ug gitubag nga angay nalang magpasalamat unta ang KOJC nga wala pa siya gisugo tungod siya professional nga pulis.
Segun ni Torre nga ang angay maulaw mao ang mga miyembro sa KOJC nga maoy gatago sa iyang gitawag og pugante. Ug sa katapusan gibarugan nga dili niya prayoridad ang pagpangita sa pastor.
RadyoMaN Ivy Parido
Facebook Comments
