GeneXpert cartridges para sa covid swab test sa South Cotabato paubos na.

16

Yara na lamang sa 67 ka GeneXpert cartridges ang nabilin para sa probinsya sang South Cotabato nga ginagamit para sa COVID 19 testing sa mga LSI, ROF kag may sintomas sang nasambit nga balatian.
Suno kay South Cotabato Provincial Health Officer Dr. Rogelio Aturdido Jr, posible subong nga adlaw ukon bwas ubos na ang nasambit nga cartridges tungod sa kadamo nga gina-swab test kada adlaw.
Samtang may palaabuton naman suno pa nga GeneXpert cartridges ang probinsya.
May-angot sini, nagapadala ang probinsya sang specimen sang mga indibidwal nga may mild symptoms sang COVID-19 kag ang ginaprayoridad sa COVID laboratory sa probinsya ang may malala nga sintomas.
Dugang pa nya, tungod sa kakulangan na sang GeneXpert cartridges sa probinsya kinahanglan na nila mangayo sang bulig sa SPMC sa Davao kag Jeorge Royica sa Gensan para sa swab testing.

Facebook Comments