GENSAN, ADUNAY 32.3% NGA OCCUPANCY RATE SA TANANG HOSPITAL!

91

General Santos City–Anaa lang sa 32.3 % ang occupancy rate sa tanang hospital sa Gensan nga naga-cater sa covid 19 patient. Kini ang gibutyag ni Dr. Ryan Aplicador, Hospital Chief sa Dr. Jorge P. Royeca Hospital. Kini na matud pa ang pinaka-mubo nga occupancy rate sa dakbayan human ang halos napulo ka bulan nga pakigbatok sa covid 19.

Samtang ang Royeca Hospital, anaa lang sa 21% nga occupancy rate. Sa karon, aduna matud pay pito ka mga pasyente ang Dr. Jorge Royeca Hospital, usa ang anaa sa ICU, tulo ang moderate case, duha ang mild case samtang adunay usa nga suspected covid 19 case. Dugang pamahayag ni Dr. Aplicador nga sugod niadtong Nobyembre 30, 7 days a week na nga naga-operate ang molecular laboratory sa Dr. Jorge P Royeca Hospital.


Wala na matud pa nagapadala ug specimen ang CESU Gensan sa Cotabato Regional and Medical Center (CMRMC) ug sa SPMC sa syudad sa Davao. Samtang, gibutyag niini nga nagsugod na sila sa pag-test sa tanang heallth care workers, pribado man o sa gobyerno aron masiguro nga dili sila infected sa Covid 19. Natapos na matud pa ang mga health worker sa Royeca Hospital, Mindanao Medical Center, Doctors Hospital, uban sa mga personahe sa Rural Health Unit (RHU) ug City Health Office.(LVR)

Facebook Comments