General Santos City–Gikalipay karon ni City Councilor Edmar Yumang –chairman sa komitiba sa Peace And Order sa syudad sa Gensan sa gihimong lakang sa Gensan PNP sa pagpanguna ni Police Col. Aden Lagradante nga pagguba sa daghang mga tolendoy machine nga nakompiska sa gipahigayong raid sa matag Police Unit.
Kahinumduman nga lakip si Councilor Yumang nga miguba sa mga slot machine atul sa seremonyas nga gipahigayon sulod sa Camp Fermin Lira niadtong nakalabayng adlaw.
Sumala ni Yumang nga walay lugar sa syudad ang mga iligal nga sugal sama sa tolendoy. Kahinumduman nga una nang gipanawagan ni kagawad Yumang atul sa interview sa media ngadto sa kapulisan nga pangdakpon og pangkumpiskahon ang mga tolendoy nga naga-operate sa pipila ka mga barangay sa Gensan.
