General Santos City–Gikompirma ni Gensan City Mayor Ronnel Rivera nga covid-19 free na sa kasamtangan ang dakbayan sa Gensan.
Kini human nga nag-negatibo na sa iyahang ulahing test si PH 3669 nga maoy nag-inusarang postibo sa covid-19 sa syudad.
Apan sumala sa mayor nga higayong makapauli na kini sa iyang panimalay mupailawom pa gihapon kini sa 14 ka adlaw nga home quarantine.
Kalabot niini mapasigarbuhon nga giannunsyo ni Gensan City Administrator Atty Arnel Zapatos nga mas daghan na ang migawas nga negatibo sa mga covid-test dinhi sa Gensan.
Sumala ni Zapatos nga sa karon anaa na lamang sa unom ang pending og ginapaabot nilang resulta gikan sa RITM.
Samtang anaa nalang sa 98 ka mga indibidwal ang ginapailawom pa karon sa home quarantine dinhi sa Gensan.(Jordan Britos)
