GenSan, nagpabiling ASF free

12

*General Santos City— Nagpabilin pang african swine fever free ang dakbayan sa Gensan. Kini ang gipaklaro ni Dr. Antonio Marin, labaw sa City Veterinary Office Gensan.*

*Pamahayag niya nga adunay daghang lakang ug aksyon nga ginahimo ang lokal nga panggamhanan aron nga masigurong dili makasulod ang ASF sa Gensan.*


*Gawas sa mga checkpoint, ilaha matud pang ginapakusgan ang information dessimination hilabina sa matag barangay aron nga mapahibalo ang epekto sa asf sa industriya sa baboy ug ang importansya nga kini mabatukan.*

*Dugang pamahayag ni Dr. Marin nga sa karon aduna silay upat ka checkpoint nga nagabantay pasulod sa dakbayan aron masigurong dili gyud makasulod ang mga karne o mga buhi nga hayop nga walay mga permit.*

*Apan dili matud pa malikayan nga aduna gyud uban ang nagapangita ug laing dalan aron lang makapalusot ug amiando siya nga dili gyud nila kini makontrol bisan pa man ug 24 oras nga anaa sa checkpoint ang ilahang sakop.*

*Pag-angkon niya nga gumikan sa mas gipahugtang checkpoint tungod sa asf, daghan sa ilahang mga empleyado ang nakadawat ug bahad ingon man pagpang-harass raosn nga gusto nilang ibutang sa mga checkpoint area sa kapulisan ug militar ang checkpoint sa city veterinary.*

Facebook Comments