Geobelyn Lopez Beraye, asawa sang napatay nga aktibista kag katapo sang NPA nga si Remy Beraye nga napatay sa engkwentro sa Capiz, ginpabugal sa gihapon ang bana apisar nga Leftist ini

Emosyonal nga nagsabat sa mga palamangkotanon sang RMN iloilo si Atty. Goebelyn Lopez Beraye, ang asawa sang napatay nga gina-alegar katapo sang New People’s Army kag kilala bilang aktibista nga si Remy Beraye.

Kaina sa programa Targetanay sa udto sang RMN iloilo, ginsling ni Atty. Beraye nga iya gid ginapabugal ang iya bana, bisan pa mapamatud-an gid man nga katapo ini sang New People’s Army, bnagud suno sa iya,ini lang ang nahibaluan sang iya bana agud maserbisyohan ang iban nga tawo.

Ginsiling man sini nga sa karon, wala pa siya sang ano man nga plano angot sa mangin iya mangin lihok sa kamatayon sang iya nga bana, apang ginpasiguro sini nga iya pagahulaton ang autopsy kag soco report antes maghimo sang nagaka-igo nga lihok.