GF3 sa NPA na-dismantle human mi-surrender si Kumander Makatindog

Davao City – Hingpit nang na-dismantle ang Guerilla Front 3 human ni-surrender ang ilang kumander nga si Maximo Catarata, alyas ‘Makatindog’ ngadto kang Davao del Norte Governor Edwin Jubahib, 10th Infantry “Agila” Division Commander MGEN Nolasco A Mempin, 1001st Brigade Commander BGen Jesus P Durante III ug 60IB Commander Lt Col Merrill Sumalinog sa 60IB headquarters in Asuncion, Davao del Norte.

Makonsiderang dakong kadaugan sa parte sa Armed Forces of the Philippines ug Panggamhanang Probinsya sa Davao del Norte, ang pagbalik sa sabakan sa gobyerno sa nasangpit nga high ranking NPA human sa kapin 40 ka tuig sa kalihukan.

Unang nitahan usab ang laing tulo pa ka mga sakop sa Guerilla Front 3 sa 60IB nga sila Emy Ansag Camilo, alias ‘Maika’, Logistics Officer, Nilo Oyda Moluhinday, alias ‘Bukay’, 65 anyos ug Reyan Bagubay Moluhinday, alias ‘Monsor’, 21 anyos.

Sumala sa 10th ID, niadtong Pebrero 26, 2022, ni-surrender ang anak ni Catarata kinsa Commanding Officer sa GF 3 nga si Renard Galos Catarata, alias “SM” kauban ang 12 ka mga kaubanan dala ang ilang mga high-powered firearms.

Gibutyag sa militar na-puhag na ang GF3, SRC4, SMRC nga nag-operate sa tri-boundaries sa Agusan Sur, Davao De Oro tungod sa pagtahan sa ilang leader dala ang tag-as nga kalibre sa armas.

RadyoMaN Aimee Guinita