Davao City – Maglisod ang mga hospital, dialysis centers ug mga doctors sa pagpanikas sa Philippine Health Insurance Corporation kun Philhealth Davao Region tungod sa makuti nga proseso nga agian una pa makuha ang bayad.
Matud ni Khlea Dublin-Guevarra sa PhilHealth Davao Region, subay sa proseso nga ilang gipatuman, mabayran lamang ang claimant kung accredited kini ug sakto ang impormasyon nga gisulat sa claim requirements.
Segun ni Guevarra, aron dili sila maisahan nagbutang ang ilang buhatan og legal anti-fraud team sulod sa ospital ug dialysis center aron masayran kun accredited ba ang claimant o dili sa nasangpit nga buhatan.
Gani dili basta-bastang mubayad ang PhilHealth kung mamatikdan nga kuwestiyonable ang mga papers nga gisumite ilabi na karon nga mas istrikto ang pag-release og bayad.
Matud ni Dublin nga dinhi sa Rehiyon Onse walay mga ospital, dialysis centers or mga doctors nga nahilambigit sa fraud kun pagpanlimbong.
Hangyo sa opisyal ngadto sa publiko nga musumbong dayon sa ilang buhatan kun ugaling dunay mga doctors, ospital ug dialysis centers ang nanglimbong aron sa ingon masang-atan og kaso sa korte ang mga tikasan.
RadyoMaN Joel Viray
