Gi-improvised nga pulbura gigamit sa restobar blast, ex bf nga di maka-move on maoy prime suspect

Davao City- Nagpadayon ang hot pursuit operation sa Calinan Police batok sa ex-boyfriend kinsa prime suspect sa pagbusikad sa usa ka restobar sa may Barangay Calinan Poblacion, Calinan Dist., Davao City diiin usa ang patay samtang tulo ang samdan.

Gibutyag ni Police Major Ricky Obenza, Calinan Police Station Commander, aduna nay mga serye sa hulga nga gihimo ang ex-boyfriend ngadto sa restobar owner nga si Monalisa Alegarme Melhem, 31 anyos, taga- Purok 23 pausta, Barangay Calinan Poblacion, Calinan District, Davao City.

Matud ni Obenza, dili makadawat ang suspek nga gibulagan na kini sa biktima.

Atol sa follow up operation nadakpan ang nagbutang sa eksplosibong gipabuto sa restobar sa follow up operation.

Giklaro ni Obenza nga dili kini act of terrorism ang Brgy. Calinan Poblacion blast apan usa kini ka crime of passion.

Padayon ang pag-identipika sa PNP forensics sa gigamit nga eksplosibo diin walay fragments o shrapnel nga narekober sa crime scene.

Gikatahong black powder o pulbura nga gi-improvised nga daw sama kini sa dinamita ang gipabuto matud ni Obenza.

RadyoMaN Aimee Guinita