Subling gi-oktba sa Task Force Bangon Marawi ang ground breaking alang sa pagsugod sa aktuwal nga rehabilitasyon sulod sa most affected area sa Marawi City ngadto na sa bulan sa Setyembre.
Kini tungod kay wala pa matapos ang negosasyon sa gobyerno ug saPower China nga maoy mo-develop sa 250 ka hektarya nga kanhi battle ground sa lima ka bulan nga giyera sa gobyerno ug sa teroristang ISIS-inspired Maute group.
Matud pa ni Housing Secretary Eduardo Del Rosario, chairman sa TFBM, mahibaloan karong semanaha kung malampuson ang negosasyon sa selection committee sa TFBM.
Gilayon nila kini, matud pa, nga gipahibalo ngadto sa publiko.
Niadtong Hunyo, na -oktaba ang unang gitakdang ground breaking tungod kay bagsak ang Bagong Marawi Consortium tungod sa kakulangon sa mga legal, financial ug technical requirements.
Subli kini nga gitakda karong Agosto apan wala gihapon mahinayon.
Dungan sa pag-anunsiyo karong semanaha kung kinsa ang mamahimong developer mao ang pagpagawas sa timeline sa ipahigayong rehabilitasyon sa siyudad.
Apan gitin-aw ni Del Rosario nga kun ugaling mobagsak usab ang PowerChina, adunay mga reserba ang TFBM.
Una na’ng namahayag ang TFBM nga unom ang anaa sa ilang shortlist nga mga developer nga pulos China-led o Chinese company.
Apan gawas sa anaa sa ilang listahan, aduna usa’y duha ka mga construction firm gikan sa Indonesia ug sa South Korea ang interesado sa rehabilitasyon. (Divina M. Suson ) *Photo credits to Divina M. Suson
| | Virus-free. www.avast.com |
