Linawas nga mitaho sa buhatan sa mga pulis sa lungsod sa Piñan si Trinidad Andus, taga Purok 2, Brgy. Silano. Human nakamatikod nga adunay wala niya naila nga tawo nagbaligya sa iyang mga tanom didto sa Manuel Resort, didto sa Pob. North, Piñan.
Dali nga miresponde ang pulis padulong sa nahisgutan nga resort ug didto naaktuhan ang mikawat sa tanom nga Giant Staghorn o mas nailang kuwago nga gibaligya ug 10mil.
Matod pa ni Trinidad, nga iyaha ang tanom nga bulak kay adunay siya’y timailhan nga may pisi nga gihikot.
Saysay pa sa tag-iya adunay 3 ka mga wala mailang lalaki ang misulod sa ilang tugkaran niadtong adlawng byernes mga 11:30 sa gabie ug gibitbit ang ilang tanom pagawas.
Human iyang na post sa facebook nga nawala ang iyang bulak, swerte usab nga ang silingan niini nga nagtrabaho isip sekyu sa manuel’s resort nga si Daniel Tomales maoy mitug-an sa tag-iya nga didto gibaligya.
Matod pa sa tag-iya nga ang kuwago nga tanom endangered na, gibana-bana usab mo kantidad sa 16mil ang nahisgutan nga tanom.
Sa pag beripika sa mga pulis naila ang responsable nga si Pablito Zamora, taga Brgy. Tinglan, Mutia, ZN.
Nag atubang na sa kasong pagpangawat ang dinakpan kinsa balhog nasa presohan.|Mark Bacroya
