Sa pagpanubay sa DXDC RMN Davao kang Kapitan Eillen Khlair Guevara, iyang gibutyag nga gilantaw nila karon nga hinungdan mao ang natumba nga poste sa kuryente nga ni-spark ug dayong mikatag tungod sa kusog nga hangin ug sa mga balay o apartments nga gama sa light materials.
Nahinabi usab sa news team ang usa ka Israel, trabahante sa usa ka establisyemento, iyang gisaysay nga gidalian nila og hakot ilang mga printers tungod mikatag na ang kalayo paingon sa ilang tindahan gumikan sa kusog nga hangin nga nasinatian sa dakbayan.
Gani mismong mga bombero ang miangkon nga nalisdan sila paglaong sa kalayo tungod sa panahon ug miabot pa og 4:45pm usa kini nakontrola.
Sa pagkakaron, gapadayon gihapon ang imbestigasyon sa otoridad ang maklaro ug masuta ang saktong hinungdan sa maong sunog ingon man ang damyos nga gibilin niini.
