Davao City – Gikumpirma karon sa Philippine Drug Enforcement Agency 11 nga nalakip sa narcolist si 2nd District Maguindanao Assemblyman Sidik Amiril kinsa nakalingkawas sa ambushed nga nahitabo sa Ciudad Ezperanza,Cabantian, Buhangin District sa miaging gabii.
Sumala ni PDEA 11 Assistant Regional Director Atty.Ben Joseph Tesiorna nga kabahin si Amiril sa updated nga narcolist sa PDEA Armm Region.
Bisan og gikunsidera nga protector sa droga sa Maguindanao si Amiril apan dili gihapon kini sikupon hangtud wala pa’y malikop nga lig-ong mga ebidensiya ang mga otoridad.
Hinoon giklaro ni Tesiorna nga walay kalabutan si Amiril sa pagsulod sa droga sa siyudad kay ang operasyon lang niini didto ra sa Maguindanao.
Apan walay kalambigitan sa droga ang nahitabong pagpamanhig kang Amiril sa miaging gabii diin patay ang iyang helper nga si Verie Adas kinsa nakasakay sa likod sa pick-up.
RadyoMaN Joel Viray
