General Santos City- Hugot nga seguridad karon ang ginapatuman sa kapulisan palibot sa Oval Plaza alayon usab sa nagsingabot nga selebrasyon sa Tuna Festival karon umaabot nga bulan sa Setyembre.
Mao kini ang nahimong pagbutyag ni PCI Roel Abejero ang hepe sa Police Station 1 og ang ground commander sa security sa oval plaza.
Sumala pa ni PCI Abejero sa karon palang hugot na ilahang ginahimong seguridad aron nga maka siguro nga dili malutsan ug dautang mga element ug adunay dili gayud palutson ang mga mu sulod sa oval nga dunay dala nga mga gibawal nga mga butang.
Gani nanawagan kini sa katawhan nga makig alayun sa kapulisan ug dili na ipugus nga ipasulod sa oval plaza ang mga bawal tungod kay para usab kini sa kaluwasan sa kadaghanan.
Giangkon man usab ni PCI Abejero nga sa karon naka alarma ang tanang unit sa kapulisan sa syudad tungod sa bahad nga nadawat niini gikan sa ilahang mga intelligence report hinungdan nga gikinahanglan sila nga mamahimo kanunay nga naka alerto.
Mamahimo matud pa silang istrikto sa mga tao nga musulod sa oval plaza aron usab nga dili malutsan sa mga dautang elemento ug mamahimong luwas ang selebrasyon sa tuna festival.
Ang tabang matud pa sa katawhan sa mga otoridad ang mamahimong susi sa pag pag pablin sa kahapsay ug kalinaw sa syudad. ( RadyoMan Dave Silagan)
