Isulan Sultan Kudarat- Subling gibulabog sa usa ka pagpamusikad ang lungsod sa Isulan Sultan Kudarat, alas 7:28 kagabii nga gikamatay sa usa ka 18 anyos nga estudyante samtang 15 ang samdan.
Sa interbyu ngadto kang Isulan Sultan Kudarat Mayor Maritess Pallasigue nga mibuto ang gikaingong IED sa usa ka internet cafe sa may Barangay Kalawag 2 sa maong lungsod.
Gibutang matud pa ang bomba tali sa maong internet cafe og sa Novo Isulan ayha kini gipabusikad.
Patay ang 18 anyos nga si John Mark Luda kon diin DOA kini sa balay tambalanan.
Samdan silang ni Dave Leliza ( 26), Kyle Solis ( 14), Paul Letrero ( 15), Jerson Bucoy (27), Raymart Agac-ac, Marialyn Luda ( kritikal).
Nadala usab sa Holy Nazarne Hospital silang ni Ivan Letrero, Rowe John Kinazo, Jane Allaga Pequerda, Timothy Falcis Pequerda.
Sa may Galinato Hospital sa Isulan, gidala silang ni Rosalie Pagulidan,samtang nagpaalim sa ilahang samad sa may Specialist Hospital silang ni Joshua Sumblingo, og Fred Csamayor.
Samtang ang tulo matud pa ka mga biktimang kritikal ang gidala sa mga balay tambalanan sa Gensan.
Sa karon padayon ang ginahimong imbestigasyon, kon diin ang Bangsamoro Islamic Freedom Fighters ( BIFF ) ang gitudlong anaa sa likod sa maong pagpamomba.
