Human sa halos 5 ka buwan sa dihang nagsugod ang kagubot sa Marawi City gideklara na gyud ni President Rodrigo Duterte nga “gawasnon” na ang maong siyudad sa mga terrorist influence. Mihatag siya ani nga deklarasyon usa ka adlaw human napatay ang Abu Sayaf sub-leader nga si Isnilon Hapilon ug Maute group leader nga si Omar Maute.
Iyang gipasamalamatan ug gidayeg ang tibuok pwersa sa gobyerno labi na ang AFP sa paningkamot niini nga tapuson na ang maong kagubot. Liboan ka mga residente sa maong siyudad ang apektado ug kinahanglan mobakwit sa laing lugar dihang nagsugod ang kagubot niadtong May 23, 2017.
Lapas 800 pud ka mga armadong tao ang napatay apil na ang mga foreign terrorists. Kapin gatos sa pwersa sa gobyerno ang namatay ug pipila ang injured. Naa poy pipila ka civilian ang namatay ug ubay ubay ang mga nabihag. Sa last report gibana-banang naa pay 30 kapin ka mga armadong tao ang naa sa maong war zone sa Marawi.
