Davao City-Dili na bag-o ang paggamit sa drone karon tungod kay makatabang kini pinaagi sa pagkuha ug hulagway ug video sa usa ka lugar ug mamahimo usab kining himoong surveillance camera isip usa ka aircraft nga walay sakay nga piloto pinaagi sa remote control.
Tungod niini, magamit siya nga tigpaniid sa palibot o bin ba kaha sa usa ka lugar nga duna kay gustong masayran, apan adunay uban ang dili gusto niini tungod kay gamiton sa pagpang-espiya, usa sa mga supak niini ang mga rebelde tungod kay masayran man ang ilang nahimutangan.
Sumala ni PSI Ma. Teresita Gaspan Davao City Police Office (DCPO) spokesperson, gidili ang paggamit sa drone kung walay pagtugot gikan sa Civil Aviation Authority Of The Philippines (CAAP). Matud niya kinahanglan dunay permiso gikan sa CAAP ang pagpalupad ug drone.
Gisulti pa ni gaspan, dunay ipahamtang nga multa kung kinsa ang madakpan nga nagpalupad sa drone nga walay permit gikan sa caap. Kahinumduman dunay duha ka estudyante nga nadakpan nagpalupad ug drone tungod sa balay ni presidente rodrigo duterte, tungod sa ka dako sa multa mas mahal pa sa iyang drone iya na lang kini gidonar sa kapolisan aron magamit.
Alayon niini nanawagan ang kapolisan sa mga adunay drone bisan ug magdula lang kinahanglan adunay permit gikan sa CAAP, aron dili mamultahan sa dakong kantidad sa higayong madakpan.
Kasamang Bernard Pantallon
