Davao City – Dakong tabang sa pagtoon sa mga kabataan nga gikunsidarang Children In Conflict with Law ang classroom nga tukuron kilid sa covered court sa Davao City Police Office.
Suma ni DCPO Director Police Senior Superintendent Alexander Tagum nga kinientos ka bata nga Children in Conflict with the Law (CICL) ang makabenipisyo sa classroom nga gidonar sa Rotary Club of Downtown Davao.
Gipasalamatan ni Tagum ang mao nga organisasyon gumikan sa paglagak og kapin usa ka milyones ka pesos alang sa proyekto sa lawak nga maghatag og mas haruhay pa nga pagtuon sa CICL.
Nasuta nga ang classroom project maoy unod sa nakab-ot nga kasabutan sa Rotary Club of Downtown Davaoug DCPO nga gipirmahan nila President Josie Ortiz ug Director Tagum kagahapon adlawa.
Gibutyag ni Ortiz nga posible sud karong tuiga masugdan ang konstruksyon sa classroom.
RadyoMaN Joel Viray
