Sa interbyu sa DXDC RMN Davao kang Fire Officer 2 Gerald Galot, imbestigador sa BFP Tagum, gibutyag niini nga anaa sa unom (6) ka balay ang naugdaw diin duha niini ang gipaabangan, kung asa apektado ang unom (6) ka pamilya ug napulo (10) ka renters.
Sa imbestigasyon, kandila nga gidulaan sa mga bata ang hinungdan sa sunog nga midamyos og P300,000, wala pay labot sa mga gamit nga naugdaw.
“Pasalamat ‘ta sa Ginoo nga walay casualty (sa sunog). Ang mga biktima karon naa sa barangay. Temporary sila karon naa didto. Ang nag-atiman sa ilaha karon, ang barangay,” sulti sa imbestigador.
Natunolan na usab sa City Government of Tagum ang mga biktima og pasiunang tabang ug musunod niini ang financial assistance ug construction materials gikan Lingap Pinuy-an Shelter Assistance Program.
RadyoMaN Kirby Manzon
