GIDUNGGAB| Grade 9 student gidunggab sa school mate sulod sa tunghaan-samdan

General Santos City- Luwas na sa makuyaw nga kahimtang sulod sa Dr. Jorge Royeca Hospital ang Grade 9 student sa Fatima National High School sa Gensan kansa biktima sa pagpanunggab sa iyahang school mate nga Grade 8 student.

Una ng nasayran sa RMN GENSAN nga sulod mismo sa tulunghaan natigayon ang pagpanunggab apan dili pa mabutyag sa mga magtutudlo kung unsa ang gigamit nga hinagiban.

Sumala pa ni teacher Nenita Baboso, nga anaa sulod sa tunghaan dihang nahitabo ang krimen hinungdan nga usa siya miatiman sa biktima og gidala sa balay tambalanan.


Samtang gikasubo man usab sa head teacher sa Fatima National High School nga si Mr. Francisco Espinosa ang nahitabong away sa estudyante.

Gani buot nila nga ipatawag ang atensyon sa mga ginikanan ilabi na ang ginikanan sa suspek.

Migawas usab nga tungod sa uyab-uyab maoy hinungdan sa paghimo sa pagdunggab sa grade 8 student ngadto sa iyahang school mate.

Facebook Comments