Davao City – Nagpabiling blanko ang Maco Municipal Police Station, kung kinsa ang lalaking biktima nga nakagapos nga adunay samad pinusilan sa lawas nga nakaplagan niadtong milabay’ng kadlawaon, Marso 31, 2025.
Base sa impormasyon sa Maco Municipal Police Station, wala pa sila mahibalo kinsa ang lalaki nga nakaplagan sa daplin sa kalsada sa Prk. 4, Barangay Lapu, Maco, Davao De Oro, alas 2:50 sa buntag.
Nasayran nga ang biktima adunay tattoo sa tuong dughan nga usa ka bungo ug sa walang bahin sa dughan nga usa ka bata nga daw anaa sulod sa tiyan, ingun man anaa usab sa iyang mga bukton.
Padayon karon nga gi-imbistigahan sa kapulisan sa pagsayod, kinsa ang biktima ug kinsa ang naghimo sa krimen.
Una na nga gibutyag nga nakurat na lamang ang awtoridad, human nakadawat sila’g impormasyon pinaagi sa Magangit Patrol Base, tungud ang biktima nagbuy-ud nga wala nay kinabuhi.
RadyoMaN Bien Abanos
Facebook Comments
