Davao City-Walay koordinasyon sa City Planning Office ang Department of Public Works And Highways XI diha sa ilang gihimong road widening sa may Diversion Road.
Segun ni City Planning Officer Ivan Cortez nga adunay kasabutan ang local government ug ang DPWH nga kinahanglang magpahibalo ang ahensya una sugdan ang maong proyekto.
Gibutyag ni Cortez nga on hold ang tanang mga developments diha sa Shrine Hills.
“They always need to coordinate simply because this will affect the entire city. Everytime they have a project kinahanglan pa og re-routing, kinahanglan ta’g alternate route, mga ingon ana gud nga coordination meeting nga mahitabo.”
Gipadad-an sa city planning officer og sulat ang DPWH niadtong August 10 aron muesplikar sa pagpadayon sa proyekto.
“Nagtubag sila nga mag butang daw sila og slope protection measures pero wala pa man nahitabo, nahuman na lang ang landslide wala pa silay slope protection measures. What needs to be done now is really to stabilize the area.”
Samtang 7 ka mga private construction companies nga walay mga permit nga nihimog developments sa upper area sa Shrine Hills ang gipasakaan og kaso sa lokal nga panggamhanan.
“As per order of the Mayor all the building development there filean og kaso,” segun ni Cortez.
Sa konseho gibutyag sa Mines and Geosciences Bureau nga ang mga aktibidad sa taas ug ang road widening ang gitudlong hinungdan sa landslide sa may Diversion.
Sumala sa MGB nga code red ang Shrine Hills kun highly susceptible kini sa landslide.
Sa pagkakaron pa North bound pa lang ang makaagi sa CP Garcia Highway.
Gisaad usab sa DPWH nga within 5 days mahuman nila ang clearing operations sa maong area.
RadyoMan Aimee Guinita
