Giingong empleyado sa Tagum Management Office gireklamo og large scale swindling ug estafa

Davao City – Nidagsa ang mga mga nabiktima sa modus operandi sa usa ka giingong sakop sa Traffic Management Office sa City Government of Tagum.

Sumala sa Davao del Norte Police Provincial Office Public Information Office (PIO), gireklamo sa mga complainants ang giilang si Jan Audie Rodriguez Perez nga taga-Magugpo South, Tagum City.

Sa inisyal nga imbestigasyon, ang suspek nalambigit sa pagpangilad may kalambigita sa mga motor.
Sumala sa mga complainants dili na nila makontak ug wala na sa iyahang pinuy-anan ang suspek human sa mga transaksyon.

Nilusad og imbestigasyon ang kapulisan batok sa suspek.

Large scale swindling ug estafa ang posibleng atubangon ang suspetsado.

Nanawagan si PCol Antonio Alberio Jr., Provincial Director sa Davao Norte Police Provincial Office sa publiko partikular kadtong adunay mga transaksyon kang Jan Audie Perez nga makigkoordinar sa mga imbestigador ug mamahimong mu-contact sa 09985987101 aron ma-assist kini.

RadyoMaN Aimee Guinita