Sa pakighinabi sa DXDC RMN Davao kang Police Lieutenant Colonel Jeffrey Latayada, ang hepe sa Tagum City Police Station, iyang gibutyag nga human nila nadawat ang report, gilayong naglusad sila og pagpanubay sa area.
Kini human nga adunay mikatag post online nga nag-ingong adunay gang sa mga batan-on nga nagkinahanglang manunggab og 100 katao isip initiation rights aron makasulod matud pa sa grupo.
Sumala pa sa usa ka netizen nga siya mismo nakasinati niini sa dihang giatngan siya og tulo ka lalaking adunay dalang icepick ug kahoy nga pangbunal. Gani nanawagan kini sa Tagum City PNP nga unta pagtuntong sa alas 10 sa gabii, sugdan na ang roving hangtod buntag aron wala nay mabiktima pa.
Dugang ni Latayada nga gisuta dayon nila ang report dala interview sa mga tawong duol sa gikatahong area apan giklarong negatibo kini ug wala na-blotter sa ilang buhatan.
“Gi validate na sa ato personnel gabii didto and interviewed the people sa area negative man ang results. Wala pud na nag pa blotter sa amua station. I don’t know their motive,” butyag pa ni PLTCOL Latayada.
RadyoMan Ivy Parido
