Giingong mga scammers sa Davao City, ginaimbestigahan na sa NBI-Davao Region

Davao City – Gibutyag sa National Bureau of Investigation (NBI) Davao Region nga pormal ng gipasang-at sa piskalya ang kaso batok sa siyam ka mga giingong scammers nga duna’y kalambigitan sa usa ka religious foundation sa Davao City.

Naduso ang maong imbestigasyon pinaagi sa report sa Barangay council nga naglayong ang maong foundation nagsugod niadtong 2020 nga aduna na’y pipila ka mga nadani nga nahimong miyembro gikan sa lain-laing dapit sa Mindanao.

Matud pa nga gikan sa 2020, milyones na ang ilang nakuha sa katawhan ug tungod niini nagpahigayon ang NBI Davao og surveillance ug on-the-ground investigation aron wala na’y laing kabus pa ang mabiktima.

Gikanayon nga misyon sa maong foundation ang paglusad og mga medical missions, feeding programs ug uban pang Indigenous People’s related project assistance.

Apan sukwahi sa ilang tumong, nasayrang nagapangayo sila og P100 alang sa member’s identification cards, medical ug fast food discounts ug lain pang P1,200 alang sa pag-abri og individual bank accounts.

RadyoMaN Ivy Parido