Sa impormasyong gipadala ni Police Lieutenant Colonel Jeffry Latayada, Officer-in-charge sa Tagum City PNP, iyang gibutyag nga naka-blotter na ang mao report ug nakahan-ay na kini aron sa tukmang imbestigasyon.
Kini human nga nikatag online ang Facebook post sa usa ka Lee Elleiz nga nag-ingong usa ka Warlito Pulgarinas Mancio taga Valma, Compostela, Davao de Oro matud pa ang nidagit sa bag sa iyang inahan nga aduna’y sulod kapin 100,000 pesos.
Giingong daan nang naniid ang lalaki ug planado na niya ang modus human sumala pa nga nag-apply kini isip tindero sa ilang tindahan ug sa unang adlaw nga kini ni-duty, igo lang nalipat ang pamilya ug sa kalit gikuha niya ang maong bag ug nisibat.
Gipaigmat usab ni Latayada ang publiko nga mamahimong alerto aron dili mabiktima sa samang panghitabo.
RadyoMaN Ivy Parido
