Ang biktima nailang si alyas Rose, minyo ug residente dinhi sa syudad sa Davao.
Sa interbyu sa DXDC RMN Davao kang Police Major Ma. Terisita Gaspan, Spokesperson sa Davao City Police Office (DCPO), padayon ilang koordinasyon sa kaulohan sa ginahimong imbestigasyon sa krimen.
“Mag (coordinate) ‘mi sa among counterpart didto sa national headquarter,” sulti ni Gaspan.
Sumala sa Criminal Investigation and Detection Unit sa Quezon City Police District (CIDU-QCPD), namatikdan matud pa sa kauban ni Rose nga halos tunga sa oras na kining anaa sulod sa ladies comfort room (CR).
Didto na gisulayan og susi sa iyang kauban ang sulod sa CR ug nakit-ang nagbitay na ang biktima gamit ang pisi nga gihikot sa metal shower.
Gisulayan pa pagdala ang biktima sa PNP General Hospital apan nakabsan na kini sa iyang kinabuhi.
RadyoMaN Kirby Manzon
