Gika-intapan nga Criminal group sa lungsod sa Sominot naaresto, kanhi mayor apil nga nadakpan

5083

Sominot, Zamboanga del Sur – Prisohan ang gitugpan sa dili muobus pulo ka mga sakop sa Pepito Crimininal Group nga gihuptan sa kanhi mayor sa lungsod sa Sominot atol sa gilusad nga joint operation sa kapulisan sa probinsya sa Zamboanga del Sur, Criminal Investigation and Detection group ug 53rd Infantry Battalion.
Kasong paglapas Republic Act 10591 or illegal possession of firearms and ammunition ug RA 9516 oillegal possession of explosives ang giatubang sa mga suspek human nakuhaan og daghanang klase sa tag-as nga mga armas, sama sa M16 rifles, Calibre 45 nga pistola, granda ug mga bala.
Nangadlawon ang raiding team sa Purok Sulod, Brgy. Poblacion sakop sa lungsod sa Sominot diin dala sa otoridad ang pulo ka search warrant nga gipagawas ni Judge Cecilyn Burgos sa RTC, Branch 89, Quezon City og gisulod ang balay ni former Sominot Mayor Stephen Acosta.
Naaresto ang mga leader sa gituohang gun for hire nga Pepito Criminal Group sila si Gary Pepito, Edgar Pepito, Allan Pepito, Anicito Culanag, Jesryl Cabuenas,Porando Anding, Rolando Dayuha,Robert Tig-tig, Romeo Batac , Menesia Quimno ug Lorenzo Onez.
Gikatakdang ipailalom sa drug test ang mga dinakpan nga karung panahona kasamtanga nga gipaslak sa Pagadian City Detention Cell.
Sumala ni Psupt. John Gano Guyguyon pipila sa mga nasikop maoy responsable sa ulahing ambush nga nahitabo sa lungsod sa Sominot ug nasayran nga ang mga dinakpan dunay lain-laing warrant of arrest.
Sa impormasyon nga nahipos sa RMN Pagadian dili muobos ka 60 ka tawo ang gihunusan sa maong grupo busa giisip kini sa kapulisan nga dakong kalampuson.

Facebook Comments