Pitogo, Zamboanga del Sur – Kasamtangan nga gapa-alim sa iyang samad pinusilan ang usa ka lalaki nga wanted sa kasong murder human napulisan sa kapulisan sa lungsod sa pitogo dihang nisulay pagsukol sa mga otoridad.
Giila ang target nga nadakpan nga si Matute Sanaan, hamtong ang pangidaron lumulupyo sa purok 2, Brgy. Liasan, Pitogo, Zamboanga del Sur.
Base sa report gikan sa PNP Pitogo, alas 8:30 kagabii samtang gilusad ang operasyon daling nakamatikud ang suspek og nihulbot sa iyang sundang ug kusilyo dungan ang paghata timaan sa pagsukol rason nga napugos pagpusil ang otiridad punting ngadto sa tiil ug bukton sa suspek.
Gumikan sa hitabo daling gidala sa ospital si Sanaan arun katambalan. Swerte ang habig sa kapulisan kay walay nasamdan o naangol.
Aminado ang otiridad nga idlas ang suspek apan gumikan sa tabang sa mga residente sa lugar hingpit kini nga naaresto.
