Bisan paman nga dili andam si Mayor Eguia sa lungsod sa katipunan aron mo host sa Summit may kalabutan sa Pederalismo, apan iyang gipaningkamutan nga iyang makaya ug mahatag niya ang paninanglanon sama sa mga pagkaon ug akomodasyon sa iyang mga bisita.
Mainiton nga gisugat ni mayor Pachito ang mga bisita niya gikan sa kaulohan gikan sa DAR, DSWD, ug tigpamaba sa malakanyang sa iyang lungsod nga matod niya ikaduha sa pinaka karaan nga lungsod ang katipunan ikaduha sa dakbayan sa Dapitan.
Giangkon usab niya nga hinay ang kalambuan sa iyang lungsod tungod kay duol lang kini dinhi sa dakbayan sa Dipolog.
Gani naa man unta mga kompanya sa ilang lungsod pero anaa na kini karon sa lungsod sa Roxas.
Saysay usab niya nga naa man unta sila’y form nga gihimo para loan sa Landbank una 30 milyones ug sa ikaduha 60 milyones pero sa miaging administrasyon ge realign kini hinungdan nga sulod sa siyam ka tuig walay proyekto tungod ka oposisyon ang maong mayor.
Naglaum si Mayor Eguia nga tabangan siya sa nasyunal nga pang gobyerno para magmalambuon usab ang lungsod katipunan ilabi na nga ilawon na siya karon sa administrasyon Duterte.
Kung kahinumduman sa pito ka munisipalidad sa distrito dos dinhi sa Zamboanga del norte ang mayor lamang sa lungsod sa Katipunan ang midaog.
