Iligan City- Dili na makasaulog sa Valentines Day ang manag uyab humannga nabuak ang ulo ug wala nay kinabuhi nga gidala sa tambalanan ang usa ka lalaki dihang nahulog sa canal ang gisakyan niini nga motor alas 10 kapin kun kulang sa gabie didto sa may Buruun, Iligan City.
Ang lalaki nailang si Julieto Jabagat 31 anyos separated ug usa ka laborer sa bugasan nga lumad taga Manticao Misamis Oriental apan ania nanimuyo sa usa ka boarding house sa Barangay Villaverde ning dakbayan sa Iligan.
Sa impormasyon nga nakuha ni RadyoMan Paul Elorde, nga namisita ang maong lalaki sa iyang hinigugma nga anaa sa Linamon apan sa dihang pagpa uli niini nahulog ang gisakyan niining motor sa kanal hinungdan sa iyang hinanaling kamatayon.
Sa karon anaa pa sa morgue sa Mercy Hospital ang pataynglawas sa maong lalaki.
(Photo credits to Miriam O. Labastida)
