Karong hapona lang, Enero 29, pwerteng huota sa trapiko sa may dan Colon, sa Plaridel ug Osmeña Boulevard gumikan sa lalaki nga naghugon-hugon og ambak gikan sa 11th floor sa may Luym Building, Cebu City.
Pinaagi sa facebook live sa page sa Public Information Services BFP 7, atoang nakita ang pagrescue sa usa ka lalaki nga nagsuicide attempt. Ang mga tao nga naghangadhangad para motan-aw sa maong lalaki maoy nakapahuot sa dalan.
As of this writing, ang fb live sa maong page naay hapit muabot og 3,000 live viewers. Ug sa pagkakaron pud, padayon pa gyud nga gihangyo ang maong lalaki nga dili mo-ambak. Gipaningkamotan sa mga owtoridad nga masalbar kini.
Unsa kaha ang rason sa maong lalaki ngano nag-attempt kini og ambak gikan sa 11th floor sa maong building?
Ang photo atoang gi-screenshot gikan sa fb live sa Public Information Services BFP 7 nga facebook page.
