Dipolog City – Malamposon nga naintercept sa intelligence personnel sa Dipolog PNP ang dual-an 300 ka sakong half sack nga gikatahapang smuggled imported na bugas humay, karga sa usa ka Fuso Wing Van Truck double ibeam, mga 1:45 sa hapon sa niaging adlaw didto sa Brgy. Sta. Felomina ning dakbayan sa Dipolog.
Ang maong truck nakarehistro sa ngalan ni Quim Al-Fayed A. Musa nga taga Brgy. Pandan-Pandan, lungsod sa Alicia, Zamboanga Sibugay diin gikan pa sa dakbayan sa Zamboanga, kinsa gimanehoan ni Wilfredo Sanson Bentic, 48 anyos, minyo uban sa iyang truck man nga si Arnel Basulgan Catiil, 28 anyos, ulitawo nga polos taga Brgy. Kauswagan, lungsod sa Diplahan, Zamboanga Sibugay.
Sumala pa sa report gikan sa Dipolog City Police Station, gihimo nila ang operasyon human nadawat ang intellegence report nga dunay tigdeliberan ug imported nga bugas dinhi sa dakbayan.
Subay sa report inig abot sumala pa sa wing van, ang pamaagi niini ibalhin kini sa bunggo truck ug maglibot suroy sa mga tindahan sa bugas, hanyag ngadto sa mga bugasira kon si kinsa ang mopalit.
Ang nasampit nga sakyanan didto nasakpan sa operatiba duol may Anguilid Rice Dealer Store sa Brgy Sta. Felomina ning dakbayan, diin nagdiskargahanay sa mga sinakong bugas, ang marka diha sa sako “Triple A Sunrise” nga sumala pa sa kapolisan gituhoan gikan pa sa nasud sa Malaysia.
Atol nga gisita ang drayber, pakyas kining makapresentar sa legal nga dokumento sa mga bugas hinugdan gidala ang maong truck sa buhatan sa kapolisan ug temporaryong sab kining gidetinar ang drayber uban ang iyang truck man.
Sa intervier sa rmn dxdr ngadto drayber, gibutyag niini nga firts time pa nila makadeliver ug bugas dinhi sa Dipolog, sanglit ang kasagaran matud pa itraking sa ilang truck mao ang sardinas, kon diin niadtong higayuna igo lang sila gipakyaw ug 20 mil ka pesos sa gikaila sa ilang amo nga negosyante sa bugas.
Sa karon kamulo pa ang kapolisan sa ilang verification, kon si kinsa sa ang tag-iy sa maong imported nga bugas humay.
